69 წლის კრის ჯენერს უკვე რამდენიმე წელია, 44 წლის კორი გემბლთან აქვს ურთიერთობა და როგორც ჯენერი ამბობს, მათ შორის სიყვარული და ერთმანეთის მიმართ პატივისცემა კიდევ მეტად ძლიერდება.

The Kardashians-ის ახალ ეპიზოდში მაყურებელმა სწორედ კრის ჯენერი და მისი მეგობარი მამაკაცი იხილა. მათ საღამო ერთად გაატარეს, ივახშმეს, ერთმანეთის მიმართ სითბო გამოხატეს და პირადი ცხოვრების შესახებ რამდენიმე დეტალიც გაასაჯაროვეს:

"შენი ბუნებრივი სილამაზე ყველაფერს ჯობს." - ეუბნება გემბლი საყვარელ ქალს.

"კორი ჩემი სამუდამო პარტნიორია. ჩვენ ერთად დროს საუკეთესოდ ვატარებთ. 10 წელზე მეტია, ერთად ვართ. არასდროს მეგონა, რომ ამას კიდევ ვიტყოდი - ჩვენ უბრალოდ ერთად ძალიან ვხალისობთ." - თქვა კრის ჯენერმა.

აღსანიშნავია, რომ კრის ჯენერი და კორი გემბლი ერთმანეთს 2014 წლის აგვისტოში, წვეულებაზე შეხვდნენ. მას შემდეგ ისინი ერთად არიან.

გადაცემაში კორი ამბობს, რომ კრის ჯენერთან სამუდამოდ ყოფნა სურს და მას ყველა სირთულისგან დაიცავს.

"გინდა, თუ არა ამაზე, ლაპარაკი, მაინც ვიტყვი, რომ 130 წლამდე იცოცხლებ. მე დაგიცავ. კარგად იქნები." - ამბობს გემბლი.

აღსანიშნავია, რომ კრის ჯენერი საკუთარ პირად ცხოვრებას განსაკუთრებით უფრთხილდება და მეგობარი მამაკაცის შესახებ საჯაროდ ხშირად არ საუბრობს. (ასევე დაგაინტერესებთ: "არ შემიძლია, ჩვენ შორის არსებული ქიმია ავხსნა. ის უკვე 10-წელია, გრძელდება და დროს მშვენივრად ვატარებთ" - კრის ჯენერმა მეგობარ მამაკაცზე და მათ შორის არსებულ 25-წლიან სხვაობაზე ისაუბრა)

თუმცა, კრის ჯენერმა გასულ წელს, The Kardashians-ის ეპიზოდში კორი გემბლზე და მათ შორის 25-წლიან ასაკობრივ სხვაობაზე შემდეგი კომენტარი გააკეთა:

"როდესაც მასთან ურთიერთობა დავიწყე, კორის ყოველთვის ვეკითხებოდი, თუ რატომ უნდოდა მასზე უფროს ადამიანთან შეხვედრა. თუმცა, ასაკობრივი სხვაობა არასოდეს მიგრძნია. მან მასწავლა, რომ ასაკი მხოლოდ ციფრებია. დიდი რიცხვია, მაგრამ მხოლოდ რიცხვი. არ შემიძლია, ჩვენ შორის არსებული ქიმია ავხსნა. ის უკვე 10-წელია, გრძელდება და დროს მშვენივრად ვატარებთ." - ამბობს კრის ჯენერი.